LAOAG CITY – Nangiparuk-at ti desisyon ti maysa a federal judge a manglapped iti kalikagom ni US President Donald Trump a mangideploy iti National Guard idiay Los Angeles.
Nakailanad pay iti desisyon ni U.S. District Judge Charles Breyer a maisubli ti kontrol ti state governor.
Inbatad na a saan a rumbeng a ti rason ti pannakaideploy ti National Guard ket gapu ta nagresulta iti panagrebelde dagiti agtultuloy a protesta kontra iti immigration.
Inlaksid met ni Breyer ti ibagbaga ni Trump nga awan ti bileg ti korte a mangrepaso ti desision ti presidente a mangkontrol kadagiti unit ti National Guard.
