Inkari ni Quezon City 1st District Rep. Juan Carlos “Arjo” Atayde a mangsuporta iti QCSep, maysa a programa ti Quezon City a responsable iti panangipatulod kadagiti atleta iti 2024 Olympics idiay Paris.
Ti QCSep ket naipasdek ti 18 a tawenen iti napalabas ken nabayagen a programa ni Quezon City 1st District Councilor Joseph Juico.
Nakitaripnong ni Atayde ken ni Juico agraman dagiti agtutubo a fencers ti QCSep ken dagiti nagannakda iti opisina ni Atayde iti West Avenue, Quezon City.
Dinayaw ni Atayde ti QCSep gapu iti pannakdisubreda ken ni Samantha Catan ken ti pannakipasetna iti 2024 Paris Olympics.
Mainaig iti daytoy, ti agtawen 22 a ni Catantan ket residente iti Barangay Del Monte iti siudad ti Quezon ken kaunaan a Filipino fencer a kualipikado para iti Olympics kalpasan ni Walter Torres idi 1988.
Kabayatanna, nagun-od ni Catantan ti tiket para iti Paris Olympics kalpasan a nangabak iti balitok a medalya iti women’s foil event ti Asia-Oceania Zonal Olympic Qualifier iti United Arab Emirates.
