LAOAG CITY – Inpakaamo ni Ms. Helen Domingo iti mangidadaulo iti Provincial Sports Office a maipausar a libre iti Ferdinand Edralin Marcos Stadium iti panakaiwayat ti Region 1 Athlethic Association Meet inton bulan ti Abril.
Daytoy ti inbatad na bayat nga umadanin iti panakaimplementar iti panagsingir iti rental fee iti nasao a pasdek kalpasan a nalpasen ti publication ti nasao nga ordinansa.
Kuna ni Dominggo a daytoy ket gapo ta ti Provincial Government of Ilocos Norte ti ag-host iti nasao nga aktibidad ken co-host ti Departmet of Education – Ilocos Norte.
Inlawlawag na nga inkumit ti Gobierno Probinsyal a ti Marcos Stadium ti maysa a mausar tapno maakomodar a nasayaat dagiti partisipantes ken tapno maipannakel nga adda ti kastoy a pasilidad ditoy probinsiya.
Maipalagip nga inaprobaran ti Sangguniang Panlalawigan iti kallabes ti ordinansa a mangimandar kdagiti public ken private sector nga adda ti rental fee a mabayadan nu adda dagiti maiwayat nga aktibidad iti nasao a pasdek, no sadinno nga iti track and field ket 15,000 pesos iti las-od ti uppat nga oras, ken 25,000 a piso met iti las-od ti siyam nga oras.
Iti met football field net ket 25,000 pesos iti las-od ti uppat nga oras, ken no siyam nga oras ket agbayad da ti 40,000 a pisos.
