Napaay dagiti Fil-Americans a da Lauren Hoffman, Kristina Knott ken Eric Cray a nanggun-od iti qualifying standard para iti 2024 Paris Olympic Games.
Nakairekord ni Hoffman ti 55.92 seconds tapno mangabak iti women’s 400 meters iti 2024 Philippine Athletics Championships iti Philsports Track and Field Oval idiay Pasig City.
Nupay kasta, ababa daytoy iti Olympic qualifying standard a 54.85 seconds.
Mainaig iti daytoy, napaay ni Cray a nakaala ti Olympic standard time iti men’s 400m hurdles babaen ti orasna a 50.51 seconds no sadinno a ti gagangay nga oras ti Olympics ket 48.70 a segundo.
Iti laksid dagiti pannakapaay, makisalip latta da Hoffman, Knott ken Cray kadagiti international tournaments sakbay ti Hulio 30 a deadline.
Malaksid iti daytoy, ni laeng World No. 2 pole vaulter a ni Ernest John Obiena ti addaan iti tiket para iti Paris Games iti athletics.
Kabayatanna, dagiti dadduma pay nga addaanen iti Olympic berth kadagiti events-da ket da gymnasts a da Caloy Yulo, Aleah Finnegan ken Levi Ruivivar, boksingero a da Eumir Felix Marcial, Nesthy Petecio ken Aira Villegas, fencer Samantha Catan, weightlifters Vanessa Sarno, Elreen Ando ken John Ceniza ken rower Joanie Delgaco.
