LAOAG CITY – Madanagan dagiti sumagmamano a negosiante gapu iti posible nga epekto kadagiti negosioda ti kumarkaro a tension iti nagbaetan ti Pilipinas ken China.
Binallaagan ni Victor Lim, presidente ti Federation of Filipino Chambers of Commerce and Industry Inc. (FFCCCII), ti gobierno a manggandat a mangipataw ti sanctions kontra ken ni Chinese Ambassador Jing Quan a mabalin a mangitunda ti gunguna nga addang manipod iti Beijing nga ad-adda a mangpabagsak iti ekonomiya ti Pilipinas.
Immuna iti daytoy, mailunglungalong iti Senado ti maysa a resolusion tapno kondenaren dagiti nagbalin a rakurak ti embahador mainaig iti kabaelan ti China nga aramiden ditoy pagilian.
Kabayatanna, inpetteng ni Kim ti kinapateg ti China iti ekonomiya ti pagilian gapu ta ti kangrunaan a paggapgapwan ti import iti pagilian ket iti China nga umabot iti nasurok a $38.22 billion.
