LAOAG CITY – Adda ti panggep iti aniaman a pasamak iti biag.
Daytoy ti Inbunannag ni Benimar Exevea Geron iti Brgy. San Pedro iti ili Paoay kalpasan a napaay a miyalat ti kaanakan na a ni leylah Fernandez ti kempeonato iti US Open ti tennis.
Kuna ni Geron a nu pay naabak ti kaanakan na ket ipanpanakkel da latta daytoy gapu ta adon ti naneknekan ni Leylah.
Inbatad na nga arigna saanda a nakaturog gapu iti panagur-uray ti resulta ti nagbalin a laban ni Leylah.
Mainaig iti daytoy, inbunannag ni Geron na nu pay naabak ti kaanakan na ket agtalinaed a kampeon iti pamilyada.
Innayun na nga attidugen ti nagbalin a journey ni Leylah ken naipakita na iti inetro a lubong ti laing na iti kaay-ayo na nga sports a tennis.
Kuna pay ni Geron nga ubing pay ni Leylah ken adu pay ti gundaway daytoy a makaaramid ti nagduduma a rekord iti biang ti tennis ken ad-adda a maipakita na ti talento ken laing ti pilipino kangrunaan ti dara na nga ilokano.
Kabayatanna, inbunannag ti maysa kadagiti Lola ni Leylah ani Mrs. Ermelita Geron manipod idiay Hawaii a dakkel ti pannangitag-ay ti apoko da a ni Leylah iti pamilya da nangruna iti Exevea Clan.
Maipalagip a nagleppas ti laban ni Fernandez kontra iti briton champion a ni Emma Raducano iti Great Britain.
