LAOAG CITY – Pimmusayen ti Pinay caregiver a nabigbig a ni Leah Mosquera, agtawen ti 49, manipod iti Negros Occidental, gapu kadagiti sinagaba na a sugat kalpasan a natamaan ti Iranian missile ti apartment na iti Rehovot, Israel.
Segun iti Philippine Embassy iti Israel, ni Leah ket dimmalan ti sumagmamano nga operasyon iti Shamir Medical Center iti sumagmamano a lawas.
Ti pannakatay ti pinay caregiver ket kinumpirmaran a mismo ti kabsat na nga agtrabtrabaho metlaeng idiay Israel.
Basar iti embahada, manarimaanen ti panangasikaso kadagiti arrangement para iti repatriation ken dadduma pay a kaspulan a tulong para ken ni Mosquera.
Linagip ti embahada ni Leah kas maysa a nasingpet ken managayat a tao nga am-ammo dagiti papagayam na kas Ate Leah, ken selebraran na koma ti maika-50 a kasangay na intono Hulyo 29.
Maipalagip a ti insidente ket paset ti kumarkaro a tensyon iti nagbaetan ti Israel ken Iran, sipud nangrugi ti airstrikes ti Israel kontra iti Iran idi Hunyo 13 ita a tawen.
