LAOAG CITY – Makumikum ti Philippine women’s football team a Filipinas iti isaysayangkatda a friendly games.
Ti naudi ket idi inabakda ti United Arab Emirates iti iskor a 4-1 iti maysa a friendly game a naisayangkat idiay Dubai.
Nagbalin a bida iti panangabak ti Filipinas ni striker Chandler McDaniel a nakairekord ti dua a goal idinto a saggaysa met da skipper Hali Long ken midfielder Merryl Serrano.
Inbatad ni Filipinas coach Mark Torcaso, napateg ti panangisayangkat ti friendly games tapno saan nga agbaliw dagiti playing styles dagitoy.
Kuanan a maysa daytoy kadagiti pagsagsaganaanda para kadagiti dadakkel a torneo a pakipasetanda.
