LAOAG CITY – Maysa a Filipino-American nga agnagan iti Dannah McMichael ti nakatilmon iti singsingna iti kasar.
Segun kenkuana, natilmonna daytoy gapu iti jet lag iti panagbiahe na ti eroplano manipud Atlanta, Georgia, nga agturong ditoy pagilian ken nagderetso nga agturong idiay Thailand.
Saanna a nadlaw a karaman ti singsing kadagiti agas a tinilmonna isu a dagus daytoy a nagpa-X-ray.
Dua nga aldaw kalpasanna, rimmuar ti resulta ti X-ray-na ket nakumpirmaan a natilmonna ti wedding ring-na.
Kabayatanna, maikita iti X-ray ti maysa a puraw a balitok a singsing a napaliwkawkawan ti lima a bato.
