LAOAG CITY – “Road to Paris 2024.”
Daytoy ti inbatad ni Filipino Boxer Carlo Paalam iti post-na kalpasan a nangabak ken maaddaan ti spot tapno naan-anayen a lumaban para iti Paris Olympics 2024.
Daytoy ket kalpasan a balligi a naabakna ti kalabanna a ni Sachin Siwach ti India via unanimous decision iti men’s 57kg event ti 2nd Olympic Boxing Qualification Tournament a naisayangkat idiay Thailand.
Inbatad ni Paalam, napalaos ti panagyamanna iti Dios gapu ta ad-adda a buo ti pakinakemna para iti nasao nga Olympics pakairamanan ti Philippine Sports Commission, Association of Boxing Alliance in the Philippines ken iti pamiliana nga awan ti sarday a mangipapaay ti suporta ken mangit-ited ti panagtalek kenkuana.
Naammoan a ni Paalam ti maika-14 nga atleta a mangibagi iti pagilian para iti Paris Olympics inton Hulio 2024.
