LAOAG CITY – Agtultuloy ti maaw-awat a kablaaw kalpasan a nagballigi ni Filipino boxer Mark Magsayo kontra ken ni Eduardo Ramirez ti Mexico.
Naala ni Magsayo ti unanimous decision iti World Boxing Association (WBA) Super featherweight bout a naisayangkat iti MGM Grand Las Vegas.
Daytoy ti maikadua a laban ni Magsayo iti 130 pounds no sadio nagun-odna ti iskor manipod kadagiti judges a 97-92, 99-90 ken 97-92.
Manipod iti umuna a round ket agsasaruno a danog ni Magsayo ti inparuk-atna iti kalabanna no sadino natumba pay daytoy iti maikatlo a round babaen iti right hook-na.
Iti panangrugi iti maikalima a round ket naminsan manen nga inpakita ti Pinoy boxer ti panagbalinna a dominante a timmama iti akin-kannigid a hook-na a nangitunda ti pannakaikkat ti mouthpiece ni Ramirez.
Addan ti rekord ita ni Magsayo a 26 a panangabak, dua a pannakaabak ken 17 a knockouts idinto ti agtawen iti 31 a ni Ramirez ket addaan ti 28 a panangabak, uppat a pannakaabak ken tallo a draw nga addaan ti 13 a knockouts.
