LAOAG CITY – Ado dagiti maapektaran a Pilipino nangnangruna dagiti Ilokano idiay isla ti Hawaii no maipursige ti kalikagum ni Presidente Donald Trump.
Daytoy ket ti pannakaisardeng ti Birthright Citizenship a nakaipalaun iti Immigration Law idiay Estados Unidos.
Segun ken ni Bombo International Correspondent Manny Pascua, inbaga ni Trump a kayat na a maibanag ti nasao a kalikagum babaen iti panangipasa na iti Executive Order.
Nupay kasta, kontra dagiti Democrat iti nasao a kalikagum ken ilaban da ti saan a panagpursige daytoy idiay America.
Ti Birthright Citizenship ket maysa a linabag ti US Constitution tapno agpatingga ti civil war idi 1968 a no sadino nga amin nga adda idiay America aniaman ti puli dagitoy ket maikkan iti patas a pannakatrato ket idiay isla ti Hawaii ket maibilang nga ilokano capital ti America gapu iti kaado dagiti ilukano.
