LAOAG CITY – Nagun-od dagiti Filipino Curlers ti kaunaan a balitok a medalya iti Asian Winter Games kalpasan nga inabakna ti South Korean team iti Finals match.
Indauloan ti Pinoy team a bukbuklen da Marc Pfister, Christian Haller, Enrico Pfister, Alan Frei ken Benjo Delarmente ti nagbalin a laban ken naibulsa ti 5-3 win kontra kadagiti Korean.
Naisayangkat ti championship match iti Pingfang Curling Arena no sadinno a paborito a mangabak ti SoKor team.
Immuna nga inabak ti Filipino curler ti host country a China iti semifinals iti iskor a 7-6 idinto a tinambakan met ti South Korea ti Hong Kong iti iskor a 13-2.
Daytoy ti umuna a gundaway a makagun-od ti Pilipinas ti medalya iti winter sports competition sipod idi nangrugi daytoy idi 1990.
Ibilang met ti SoKor a maysa a dakkel nga upset ti napasamak kalpasan a napagtalinaedda ti nadalos a rekord iti group round ken otomatiko a na-qualify iti semis.
Iti pakabuklan a resulta ti nasao nga event, balitok a medalya ti iyawid ti Pilipinas, silver ti iggem ti SoKor idinto a bronze medal met ti naibulsa ti host country a China kalpasan nga inabakna ti Hong Kong iti 1st runner-up match.
