LAOAG CITY – Nagun-od ni Filipino southpaw boxer Pedro Taduran ti IBF minimumweight belt kalpasan a tinublak na iti maika-siyam a rikos ni Ginjiro Shigeoka ti Japan.
Gapu iti daytoy ket nakagun-od ti pammadayaw ti agtawen ti 27 a Pinoy boxer manipod kadagiti nagbuya iti Shiga Daihatsu Arena iti Otsu City.
Iti uneg ti siyam a rikos ti ay-ayam ket naruay a danog ti inpalak-am ni Taduran iti Japanese boxer no sadinno a nagdesisyon ti referee a ni Steve Willies nga isardengen ti laban.
Addan ti 17 a panangabak, uppat a pannakaabak ken maysa a draw nga addaan ti 13 knockouts ni Taduran a nakagun-odan na manen ti IBF 105 lbs. crown na nga iggem na sipod 2019 agingga iti 2021.
Ni Taudaran ti maikadw a Filipino world champion, sumaruno ken ni kasunod ni Melvin Jerusalem nga addaan ti iggem a WBO mini-flyweight crown.
