LAOAG CITY – Inparuk-aten ti Gilas Pilipinas ti final 12 nga umaayam daytoy para iti panagbinnalubalda ti New Zealand iti panangrugi ti windows 2 FIBA World Cup 2027 Asian Qualifiers.
Karaman ditoy ni Juan Gomez de Liano nga umuna a gundaway a mairaman iti national basketball team.
Saan met nairaman iti lineup ti teammate daytoy iti Converge a ni Justine Baltazar pakairamanan da RJ Abarrientos ken Troy Rosario ti Barangay Ginebra.
Karaman iti final 12 da June Mar Fajardo, Kevin Quiambao, Chris Newsome, Calvin Oftana, Scottie Thompson, CJay Perez, Carl Tamayo, Dwight Ramos, AJ Edu, Quentin Millora-Brown ken Justin Brownlee.
Makasango ti Gilas Pilipinas ti New Zealand ita nga aldaw ti Huebes, Pebrero 26 a maisayangkat iti Mall of Asia Arena.
