LAOAG CITY – Maipinal intono miyerkules, Mayo 20 ti pinal a report mainaig iti napasamak a pammaltog iti Senado idi Mayo 13 ita a tawen.
Iti agdma, manarimaan ti panagkalap ti Department of the Interior and Local Government (DILG) kadagiti kopya ti CCTV footage.
Kinumpirmaran ni Department of the Interior and Local Government Secretary Jonvic Remulla ti addang kalpasan nga inrakurak ni Acting Sergeant-at-Arms Mao Aplasca a limitado ti nakalap da a CCTV footages.
Segun ken ni Aplasca, awan ti naala a footage a mangipakita iti aktwal a garaw dagiti tattao iti Senado ken ti Philippine Marines kabayatan ti pinnutok ti paltog.
Inpetteng met ni Remulla nga adda ti iggem da a video manipod iti media press nga agdama a tingtingitingen dagiti otoridad.
Maipalagip a rimsua ti riribok kalpasan a nagpakita manen iti senado ni Senador Ronald “Bato” dela Rosa kalpasan ti innem a bolan a panaglemlemmeng na.
Ti panaglangan ti senador iti senado ket namonganay kadagiti ispekulasyon mainaig iti arrest warrant manipod iti International Criminal Court (ICC).
Maitudtudo ni Dela Rosa kas “indirect co-perpetrators” iti imbestigasyon ti International Criminal Court mainaig iti war on drugs.
