LAOAG CITY – Naiyuswat ti Final Testing and Sealing kadagiti VCM iti Cabeza Elementary School ditoy ciudad ti Laoag.
Segun kenni Mrs. Cherry Agliam, Electoral Board, naannayas met ti nasao nga aktibidad ken awan met ti nakaro a parikot.
Inbatad na nga adda ti inyestablisar da a waiting area para kadagiti botante tapno saan nga agdudupodop dagitoy iti pagbutusan.
Inlawlawag na a sakbay a makadanon iti pagbutusan ket adda met dagiti mabalin a basaen dagiti botante a pammalagip seknan iti eleksyon.
Karaman ditoy ti pannaaipawil ti pannakisarita iti sabali a tao dagiti agbutos, awan ti panag-selfie kadagiti presinto ken agusar ti face mask ken hand sanitizing, ken adda ti mangala ti temperatura dagitoy.
