LAOAG CITY – Kalikagom ni Mr. Florencio Vicente a maipakita dagiti opisyal ti Sanghero de San Marcelino idiay Barangay San Maracelino iti ili ti Dingras ti financial statement report ti nasao a gunglo.
Inbatad na a kayat dagiti mannalon iti nasao a barangay no sadinno ti napanan na ti 500 a ribo a pisos a naideposito iti bangko ken 200 a ribo a pisos a sapol ti ripper malaksid laeng kadagiti dadduma pay a kwarta ti nasao a gunglo.
Inpetteng na a dagit miembro ket saan da pay nga ammo nga adda ti kukua ti sanghera nga eqipment kas iti kuliglig, tractor, ripper ken dadduma pay.
Segun kenni Vicente, nabukel ti gunglo idi May 14, 2014 ken iti dayta a tawen ket naiyuswat met laeng ti panagpipili para kadagiti opisyal a mangituray agingga iti tallo a tawen.
Mainaig iti daytoy, kunana a saan na a maawatan no apay nga agpapan ita ket situtugaw pay laeng dagiti maseknan nga opisyal iti laksid nga agingga laeng kuma idi Disyembre 2017 ti termino da.
Inlawlawag na a kalikagom na a maiyuswat ti eleksyon tapno maelektaran dagiti kabarbaro nga opisyales ti sanghera intono Disyembre 28 ita a tawen.
Kabayatanna, Mamati Mr. Victorino Gaoiran, presidente ti Sanghera de San Marcelino nga intono pay laeng Marso 20, 2020 ti panaglippas ti termino da nga opisyal.
Daytoy ket kontra iti rakurak ni Mr. Florencio Vicente a nalpas ti termino dagiti opsiyal nga idi kuma pay laeng 2017 a nangudo.
Kuna ni Gaoiran, idi laeng 2017 ti pannakelektar na kas presidente ti nasao a sanghera gapo ta isut ti sumurot iti syncronized election babaen ti panangisitir ti NIA.
Patyen na nga awan ti nalabsing iti pagannurutan iti grupo da ken ammo dagiti sumagmamano a miembro ti sanghera.
Mainaig iti pondo ti sanghera, adda ti urnong da gapo ta itay laeng napalabas nga aldaw ket adda ti napan da indeposit iti bangko.
Inpetteng na nga ammo dagiti ka-miembro na ti estado ti pinansyal ti sanghera gapo ta kanayun a mailawlawag tunggal adda ti taripnong.
