LAOAG CITY – Naglikudan ni Fire Supt. Floro Obrero, Provincial Fire Marshall ti Bureau of Fire Protection (BFP) ditoy Ilocos Norte ti alegasyon a naidanun ditoy Bombo Radyo Laoag.
Daytoy ket mainaig ti panaggiinum da iti mismo a bisinidad ti Fire Station iti ili ti San Nicolas.
Inpasingked ni Obrero nga idi rabii ti biernes a maibagbaga a panaggiinom da ket awan isunan iti ili ti San Nicolas.
Inbatad na a nakaugalian nan ti agawid iti biernes iti balay da idiay Ilocos Sur isut gapuna nga awan ti kinapudno na ti nasao nga isyu.
Inlawlawag na a mabalin a nagkamalian dagiti nakakita nga isuda ti aggiinom gapu ta ti lauden ti Fire station ket isu ti ayan ti Tennis court ken Basketball court.
Inpetteng na nga open ti tennis ken basketball court a paggiinuman dagiti sibilyan.
Innayon na a no isuda nga agpapaay iti fire station ket saanda nga umin-inom ti nasanger kangrunaan na no nakaduty da, ken uray no nakaday-off da ket saan da latta a mabalin ti aginom iti bisinidad ti fire station.
