LAOAG CITY – Inpakaammo ni Fire Chief Inspector Arnel Ratuita, City Fire Marshal ti Bureau of Fire Protection ditoy siudad ti Laoag a manarimaan ti pannakaestablisar ti fire substation iti Barangay San Mateo ditoy siudad ti Laoag.
Segun kenkuana, daytoy ket maysa kadagiti proyekto ni Mayor James Bryan Alcid iti pannakaestablisar iti naan-anay a fire substation ditoy siudad.
Inbatadna a manarimaan ti pannakaiproseso daytoy ken manamnama nga ita a bulan wenno inton sumaruno a bulan ket maluktanton daytoy .
Inlawlawagna a ti plano ti lokal a gobierno ket mangestablisar ti uppat a substation ditoy siudad tapno ad-adda a naal-alisto ti panagresponde dagiti otoridad.
Innayonna nga addanto pay ti pannakaipatakder ti 29 a fire hydrants ditoy siudad ti Laoag.
Kabayatanna, kuna ni Mayor Alcid nga adda laeng ti iplasplastar ti City Engineering Office tapno makaplastar ti Bureau of Fire Protection iti lugar ken nakadependento no asino iti agoperar gapu ta asideg met ti police station iti nasao a lugar.
