LAOAG CITY – Balligi ti pannakaisuro kadagiti Barangay Service Point Officers ditoy siudad ti Laoag mainaig iti first aid ken basic life support babaen ti Philippine Red Cross.
Dimmalan dagitoy ti panagsanay kas ti panag-CPR, no ania ti aramiden no adda dagiti emergency cases a masapul ti insigida a pannakatratar.
Mainaig iti daytoy, dinayaw ti lokal a gobierno ti akem dagiti Barangay Service Point Officers iti komunidad gapu ta ita a gundaway ket masapul ti alisto a panagresponde para iti pannakasalbar ken pannakasaluad ti biag.
Kabayatanna, inpanamnama ti lokal a gobierno ditoy siudad ti Laoag iti agtultuloy a suportada para kadagiti Barangay Service Point Officers.
