LAOAG CITY – Mangisuro iti College of Law iti West Visayas State University (WVSU) ni First Lady Atty. Louise “Liza” Cacho Araneta–Marcos.
Iti eksklusibo nga innuman ti Bombo Radyo kenni Dr. Joselito Villaruz, presidente ti WVSU, kinumpirmaran na a mangisuro ti Criminal Law 1 ni Araneta–Marcos iti nasao nga unibersidad.
Kuna na a nagaplikar ni Araneta-Marcos kas part-time faculty iti Juris Doctor program iti babaen ti regular a proseso, nangisumitir kadagiti dukomento para iti pannakatingiting ken prosesso.
Inbatad ni Villaruz nga inawat ti unibersidad dagiti aplikante basar kadagiti kredensyal ken abilidad iti panagisuro, anyaman a pisikal a takder iti kagimungan wenno posisyon iti pulitika.
Segun kenni Villaruz, napili ti first lady a mangisuro iti WVSU gapu ta addan ti pamilya ken kabagyan na a taga Iloilo, agraman ti ina na ken ti Filipino basketball Olympian a ni Manuel Araneta Jr.
Inbunannag ti unibersidad a ni first Lady Atty. Louise “Liza” Cacho Araneta–Marcos ket nagserbi pay laeng kas
law professor iti Mariano Marcos State University, Saint Louis University, Pamantasan ng Lungsod ng Maynila, Northwestern University, ken Far Eastern University.
Naamuan a ni Araneta-Marcos ti founding partner ti MOST (Marcos, Ochoa, Serapio, & Tan) ken nangala pay ti pre-law a kurso iti Interdisciplinary Studies iti Ateneo de Manila University.
Kalpasan na ket nagturpos ti kina-abogasya iti Ateneo de Manila Law School.
Nangala pay ti masteral unit a Criminal Procedure iti New York University.
