LAOAG CITY – Arig nangipakita ni First Lady Liza Araneta-Marcos nga adda ti tension iti nagbaetanda iti ipagna a ni Senador Imee Marcos.
Segun ken ni First Lady Marcos, naudi a nagsaritada ken ni Senadora Imee idi pay Disiembre.
Iti saludsod no apay saan nga ilablaban ni Sen. Imee ti kabsatna a ni Presidente Ferdinand Marcos Jr., ket kunana a ti Senadora ti rumbeng a pagsaludsudan.
Nadamag pay no nasayaat ti panagsisinnaritada ken ni Imee, sungbat ni Unang Ginang a kanayonna daytoy nga im-imbitaren para iti regular lunch ti pamiliada tunggal Domingo.
Karaman pay ti biyananna a ni dati a First Lady Imelda Marcos ket nagsaludsod kenkuana no apay saanna nga im-imbitaren ni Imee iti lunch dagitoy.
Mainaig iti daytoy, inbatad met ti political analysts ti Senador ti umun-una a mangbabbabalaw kadagiti kangrunaan a pagalagadan ni Presidente Marcos.
Immanugit pay ni Imee ti gentlemen’s agreement ni dati a Presidente Rodrigo Duterte idiay China.
