LAOAG CITY – Balligi a naarestar ti maysa a fish vendor babaen iti naiwayat nga Anti-Illegal Drug Buy-bust Operation iti Brgy. 16, San Marcos iti ili ti San Nicolas.
Nabigbig ti suspek a ni Regie Carlos y Bonoan, adda ti umno a tawen, naasawaan ken residente iti nasao a barangay.
Natiliw ti suspek kalpasan a maipagarup a naglako daytoy ti maysa nga heat sealed transparent plastic sachet a naglaon ti maatap a shabu nga agbalor ti walo a ribu a pisos iti maysa a pulis a nagpammarang kas poseur-buyer.
Malaksid iti daytoy, naala pay manipud iti suspek dagiti nagduduma a drug paraphernalia.
Naammoan a ti suspek ket maibilang nga Street Level Individual.
Kabayatanna, immunan a natiliw ti suspek gapu met laeng iti panaglabsingna iti Republic Act No. 9165 wenno ti Dangerous Drugs Act of 2002.
