LAOAG CITY – Nailungalong ti panagikabil kadagiti kuskusleng kadagiti stagnant a danom tapno isuda ti mangan kadagiti kiti-kiti ket maliklikan ti panagado ti lamok a mabalin a mangitunda ti sakit a dengue.
Daytoy ti inbatad ni Mr. Arthur Valente, ti Fishery Regulatory Coordinator iti Provincial Agriculturist Office ditoy probinsya.
Inpakaammo na nga agibunbunong da kadagiti kuskusleng kadagiti nagduduma nga ili ditoy probinsya, pakairamanan ditoy ciudad ti Laoag ken Batac.
Inpasingked ni Valente a libre dagiti ibunbunong da a kuskusleng ken dakkel ti maitulong dagitoy tapno malapdan ti panagtaod ti ado a lamok ditoy probinsya.
