LAOAG CITY – Naiget a naglikudan ni House prosecutor Chel Diokno ti akusasion a “fishing expedition” ti nagbalin a kiddaw ti prosekusion para iti bank, tax ken Anti-Money Laundering Council (AMLC) records ni Vice President Sara Duterte.
Iti oral arguments iti Senate impeachment court, inbatad ni Diokno a nakabasar iti Articles of Impeachment ti ultimate facts a sumupsuportar iti akusasion ti unexplained wealth.
Segun ken ni Diokno, ti kiddaw ti prosekusion para iti kanayunanna pay a financial records ket nakabasar iti ebidensia a nakapalaon iti record-na.
Inpettengna a ti testimona ti executive director ti Anti-Money Laundering Council (AMLC) iti House Committe on Justice no sadinno ket naiparuk-at dagiti dokumento a mangpanpaneknek a manipud iti tawen 2007 agingga iti agdama a tawen ket umabot iti P6.7 billion ti dimmalan iti account ni VP Sara Duterte a pakairamanan ti P3 billion idi tawen 2007 agingga 2013 nga indauloan ni bise presidente ti Davao City.
