LAOAG CITY – Saan laeng a naragsak a mainum no di ket dakkel pay ti maitulongna tapno mapagtalinaed nga hydrated ti bagi malaksid pay iti pannakaliklik iti peggad a maaddaan ti sakit iti puso, ti panaginum kadagiti flavored tea.
Iti naiyuswat a panangrebisar ni Dietitian Emily Lachtrupp, nagbalin a popular dagiti flavored teas kadagiti naglabas a tawen ken nagbalin a gundaway tapno mapadasan dagiti nagduduma a blend manipud iti lavender agingga iti pomegranate, citrus, tropical ken dadduma pay.
Naammoan a ti panagtalinaed nga hydrated ken ti flavored tea ket mangididiaya ti naimas nga alternatibo iti danum.
Nairekomendar met ti agingga tallo a baso ti tea iti maysa nga aldaw.
Kabayatanna, ti panangnayon ti prutas, herbs ken spices ket epektibo pay tapno masurot ti kayat a raman no sadinno epektibo daytoy iti alternatibo kadagiti saan unay nga umin-inom ti danum.
