LAOAG CITY – Rinibo a pasahero ti naitantan ti biyahe na iti kangrunaan nga erupuerto iti Kenya kalpasan a simrek iti mikadwa nga aldaw ti “go-slow strike” dagiti empleyado iti nasao a lugar.
Ti nasao a tignay-protesta iti Jomo Kenyatta International Airport ket indaulwan ti Kenya Aviation Workers’ Union (KAWU) gapu iti saan a panagkakasurutan iti collective bargaining agreement ken kaawan ti kooperasyon manipod kadagiti maseknan nga otoridad ti erupuerto ken airline companies.
Gapu iti sitwasyon, sumagmamano nga erupueto ken airline ti nangkanselar dagiti biyahe da nga agturong iti Nairobi gapu kadagiti nagbalin a problema iti air traffic control.
Immabot iti nasurok a 12 nga oras ti panaguray ti sumagmamano a pasahero iti erupuerto sakbay naan-anay nakanselar ti biyahe da.
