LAOAG CITY – Panawenen a maaddaan ti bukud a ‘floating hospital’ ti Pilipinas, maysa nga archipelagic nation kas kadagiti dadduma a pagilian.
Ti ideya ket inpila ni Senate Majority Leader Francis ‘Tol’ Tolentino iti nailian a kumbension dagiti nurse a naiyuswat idiay Manila.
Inbatadna a ti kaso ni Robert Mondeñedo, maysa kadagiti dua a mangngalap a karaman iti ‘hit-and-run’ incident ti gangganaet a commercial vessel ket bassit a fishing boat iti West Philippine Sea (WPS) iti napalabas a lawas.
Inlawlawagna a ti kaso ti maysa a masakit a suldado a kinasapulan a maisalakan iti BRP Sierra Madre, ti daan a barko a panggubat nga agserserbi kas outpost ti Philippine Navy iti Ayungin Shoal.
Naammoan a ti floating hospital ket mabalin met a mausar para kadagiti komunidad iti kabaybayan ken isla iti panawen ti didigra kas ti bagyo.
Nalagip ni Sen. Tolentino no kasano dagiti lugan para iti militar manipud kadagiti dadduma a pagilian pakairamanan dagiti hospital ships ket kaunaan a timmmulong ken nangipaay ti tulong kadagiti komunidad a nakapasar ti Bagyo Yolanda idi 2013.
