LAOAG CITY – Nangrugin ti pannakaestablisar ti floating restaurant iti Billoca Fish Farm iti ciudad ti Batac.
Segun iti lokal a gobierno iti ciudad, plano paylaeng idi ti dati a gobernador nga agdaman a senator ti nasao a proyekto.
Kalikagom na nga adda ti nayon a pagpasyaran iti nasao a ciudad ken ditoy probinsia.
Malaksid iti daytoy, gagem pay ti proyekto a mapapintas ti Billoca Fish Farm ken umado ti ikan tapnu maikkan ti gundaway dagiti mapan bumisita nga agbanniit ken makapagluto a mismo iti nasao a lugar.
Maianig iti daytoy, naamoan nga adda ti nailatang nga 49 milyon a pondo para iti nasao a proyekto.
