LAOAG CITY – Inlawlawag ni Engr. Neil Jose, operations manager ti Florida bus lines ditoy siudad ti Laoag a saan a maliklikan a nakaandar latta dagiti bus gapu ta puduten dagiti nakalugan ti pasahero.
Kuna na a no maiddep ti makina ti bus ket maiddep met ti aircon na.
Inbatad ni Jose nga apagbiit laeng dagiti bus gapu ta agbiahe da wenno agidiskarga da laeng kadagiti bumaba a pasaheros.
Segun kenni Jose, saan nga agparking dagiti bus iti sango ti balay ti pamilya Alonzo ngem ketdi aginayad da laeng a mapan ti terminal.
Mainaig iti daytoy, admitiren na nga saan a maliklikan nga adda ti agparking iti sango ti balay ti nagreklamo nangruna no adu ti pasaheros kangrunaan iti bulan ti Disyembre.
Nupay kasta, bilinen na dagitoy nga agparking da iti Ablan Avenue.
Innayon ni Jose nga siguden a commercial area ti terminal ti Florida iti agdama gapu ta immunan a nagoperar ti Philippine Rabbit iti nasao a lugar.
