LAOAG CITY – Nakairekord ti estado ti Florida, USA ti pakasaritaan gapu iti kellaat a panagtudo ti niebe iti laksid a summer getaway ti lugar.
Basar iti kaudian a rekord umab-aboten iti walo a pulgada ti kabengbeng ti niebe idiay Milton a nangburak iti kaudian a rekord ti estado nga 4 a pulgada, idi pay laeng 1954.
Mainaig iti daytoy, pinasingkedan met ni Bombo International News Correspondent Adrian Patting ng Florida, U.S.A nga imbes a agamak da iti snow storm ket maayatan da.
Kunana nga iti agdama ket awan met pay dagiti naipadpadamag a napukawan ti supply ti kuryente ken danom.
Nu pay kasta pinalagipan metten ti gobierno to Florida daguiti residente a ilimitar pay laeng ti panagbiyahe tapno makaliklik iti aniaman nga insidente.
Kabayatanna, inpakaammu ni Adrian a nakanselar ti kalse dagiti estudyante manipud elementary agingga sekondarya idinto a naka-work-from-home dagiti sumagmamano nga empleado.
Malaksid iti daytoy, agtultuloy met ti mapaspasaran dagiti residente manipud New Orleans, Louisiana ken Alabama nga snow storm.
Gapu iti daytoy, nasurok a 1,800 a flights ti nakanselar ken nasurom 3,000 a tattao ti apektado gapu iti nakaro vga snow storm ita idiay Amerika.
