LAOAG CITY – Apagapaman a bimmaba ti bilang dagiti nairekord a kaso ti influenza-like illnesses (ILIs) ditoy pagilian idi umuna iti kagudua ti Nobiembre uray nangrugi a limmamiis ti panawen.
Ti kaudian a datos ti Department of Health (DOH) ket nangipakita a dagiti kaso ti influenza-like illnesses iti intero a pagilian ket bimmaba manipud iti 7,971 idi Oktubre 20 agingga iti Nobiembre 2 ken 7,571 manipud idi Nobiembre 3 agingga iti 16.
Ti kanayonan a panagbaba ket naobserbaran manipud idi Nobiembre 17 agingga 30 nga addaan ti 3,710 a kaso, ngem inbatad ti Department of Health a mabalin latta daytoy nga agbaliw gapu ta naitantan dagiti konsultasion.
Sipod idi nangrugi ti tawen agingga idi Nobiembre 30, adda ti pakabuklan a 165,992 a kaso ti influenza-like illnesses ti nairekord a 17% a nababbaba maidasig iti 200,525 a kaso a nairekord iti kapada a panawen idi 2023.
