LAOAG CITY – Bimmaba iti 24.32% ti focus crimes iti intero a pagilian idi Enero ita a tawen no ikompara iti kapada a panawen idi 2025.
Daytoy ti inrakurak ni Philippine National Police (PNP) chief Police General Jose Melencio Nartatez Jr.
Iti press conference, kuna ni Nartatez nga adda ti pakabuklan a 2,449 focus crimes ti nairekord iti intero a pagilian manipod Enero 1 agingga iti 31, 2026, nababbaba ngem iti 3,236 nga insidente a nairekord idi Enero 2025.
Nangipakita met ti 5.59% a panagbaba dagiti krimen iti nasao a bolan no ikompara idi Disyembre 2025.
Ti focus crimes ken dagiti serious offense karaman ti murder, homicide, physical injury, rape, robbery, theft, ken carnapping ti motor vehicles ken motorsiklo.
Basar iti report, iti major offense, kadakkelan ti nagbabaan iti nairekord kadagiti kaso ti rape iti 60.70% manipod iti 849 a kaso idi Enero 2025 iti 331 a kaso idi Enero 2026.
