LAOAG CITY – Nakaawat ti food packs ti 1,972 a day care children manipod iti 92 a child development center ditoy siudad ti Laoag.
Daytoy ket paset ti supplemental feeding program ti lokal a gobierno ken ti DSWD.
Mainaig iti daytoy, ti nasao a programa ket kalikagumna a maipaay ti tulong kadagiti ubbing ditoy siudad nangruna iti pannakamentanar ti nutrisyon da.
Karaman pay ditoy ti pannagtalinaed ti natalged a salun-at dagitoy.
Naamoan a dagiti day care workers ken naggannak dagiti ubbing ti mismo a nangawat iti food packs.
Kabayatanna, nagyaman ni Mayor Marcos Michael Marcos Keon iti biang ti DSWD pakairamanan dagiti day care workers a naanus a mangisusuro kadagiti ubbing.