LAOAG CITY – Inrakurak ti Department of Agriculture a malimitaran laeng kadagiti lugar mga agpaspasar ti nangato a presyo ti bagas ti deklarasyon ti food security.
Segun ken ni Department of Agriculture (DA) Spokesperson Assistant Sec. Arnel de Mesa, ti emergency declaration ket basar iti Republic Act (RA) 12078 a mangamendar iti Rice Tariffication Law.
Ti nasao a linteg ket mangipaay ti bileg iti agriculture secretary a mangideklarar ti food security emergencies kadagiti lugar nga addaan ti shortage iti suplay ti makan wenno nangato ti presyo na.
Immunan nga inbatad ni Department of Agriculture Secretary Francisco Tiu Laurel Jr. a ti gobierno ket mabalin nga agdeklarar ti rice emergency intono bigat, kalpasan ti panangiparuk-at ti National Price Coordinating Council ti resolusyon a nangirekomenda ti emergency gapu iti “extraordinary increase” iti presyo ti bagas.
Iti agdama ket maad-adal paylaeng a naimbag ti pinal a desisyon kadagiti lugar a maapektaran ti deklarasyon.
Naipalaon iti babaen ti rice emergency declaration a ti rice stocks ti National Food Authority (NFA) ket mailako kadagiti ahensya ti gobierno ken lokal a gobierno iti P36 iti kada kilo idinto a kadagiti consumers ket P38 iti kada kilo.
