LAOAG CITY – Maideklara ti food security emergency inton bigat, Mierkoles, Enero 22.
Inrakurak ni Department of Agriculture (DA) spokesperson ASec. Arnel de Mesa, apaman a naawat ti ahensia ti kopia ti resolusion a nangaprobar iti rekomendasion iti pannakaideklara ti food security emergency ken inadal idi Lunes agingga ita nga aldaw.
Babaen ti Agricultural Tarrification Act wenno Republic Act 12078, adda ti bileg ni Agriculture Secretary a mangideklara ti food security emergency iti bagas gapu iti kinakurang ti suplay wenno gapu iti nalabes a panagngato ti presio ti bagas.
Immunan nga inlawlawag ni Agriculture Secretary Francisco Laurel Jr. a justified wenno nainkalintegan ti panangideklarana gapu ta adda ti umdas a datos tapno suportaran ti nasao nga addang.
Dinakamat ni ASec. De Mesa a ti panangilungalong iti panangideklara ti food security emergency ket gapu iti “extraordinary increase ti bagas” ken saan pay unay a bimmaba ti presio daytoy iti baet ti panagkissay ti taripa para iti imported rice.
