LAOAG CITY – Indeklararen ni Department of Agriculture (DA) Secretary Francisco Tiu Laurel Jr ti food security emergency on rice.
Segun iti sekretaryo, inbasar na ti deklarasyon iti rekomendasyon manipod ti National Price Coordinating Council.
Innayon na a gapu iti nasao nga emergency declaration ket mabalin dan nga iruwar dagiti rice buffer stocks ti National Food Authority (NFA) tapo agbalin nga stable ti presyo ti bagas.
Gapu iti daytoy, agbalinen nga accesible ti bagas kadagiti aggatang.
Immunan nga inrakurak ni Presidente Ferdinand Marcos Jr a ti nasao a deklarasyon ket tapno mapuwersa a maipababa ti presyo ti bagas.
Daytoy ket gapu ta nagtalinaed a nangato ti presyo ti bagas iti merkado uray naipababan ti presyo dagiti produksyon.
