Pinasingkedan ti Department of Social Welfare and Development nga ipatungpal ti gobierno ti “Food Stamp Program” iti intero a pagilian inton Hulyo.
Segun ken ni Department of Social Welfare and Development Edu Punay, ti panagsagana para ti full implementation iti programa ket mabalinen kalpasan ti balligi nga innem a bulan a pilot implementation iti agduduma a paset iti pagilian.
Mainaig iti daytoy, ti “Food Stamp Program” ket maysa kadagiti kangrunaan a programa iti Marcos Administration a gagem na a labanan ti involuntary hunger babaen ti panangipaay ti food augmentation iti bottom one million households kas maibasar ti Listahanan 3 no sadinno a karaman ti food-poor criteria a binigbig ti Philippine Statistics Authority.
Kabayatanna, kuna ni Punay a ti programa ket maimplementar iti sangapulo a rehiyon ken duapulo ket maysa a probinsia ken ti initial target ket 300,000 a pamilya ken nangrugi ti panag-hire ti staff iti agduduma a lugar.
