LAOAG CITY – Nakagun-od ti baro a rekord ti football star a ni Cristiano Ronaldo.
Daytoy ket kalpasan a dumanonen iti maysa a bilyon ti followers-na kadagiti nagduduma nga online accounts-na.
Ti nasao a bilang ket manipud kadagiti amin nga online accounts-na.
Maibilang nga isuna laeng ti tao a nakadanon iti nasao a bilang.
Naidasig isuna iti naigetna a kabinnalubal a ni Argentinian star Lionel Messi nga addaan ti nasurok 623 a milyon a followers kadagiti amin nga online accounts-na.
Maipalagip nga iti napalabas a bulan ket nanglukat ni Ronaldo ti YouTube Channel no sadinno iti uneg laeng ti maysa a lawas ket dimmanon iti 50 a milyon dagiti followers-na.
