LAOAG CITY – Plano nga agsubli pay laeng ti Football ni Paul Pogba kalpasan ti pannakasuspenso gapu iti panagpositibo iti maipawil a substance.
Ti Juventus Star ket napatawan ti uppat a suspension idi Pebrero kageddan ti panagpositibo ti iligal a substance idi Agosto 2023.
Idi Setiembre iti napalabas a tawen ket nasuspenso ti National Anti-doping Tribunal idiay Italy ni Pogba.
Basar iti report ti National Anti-doping Tribunal a nakitada ti panagngato ti testosterone a maus-usar iti panagbalin a napigsa ti maysa nga atleta.
Naisayangkat iti nasao a testing idi abaken ti Juventus ti Udinese iti iskor a 3-0.
Inbatad ti agtawen iti 31 a soccer star a saan daytoy a switik ken ammo dagiti fans-na ti pudno a napasamak.
Kunana a saanna nga ammo ti ag-switik ken responsable nga umaayam.
