LAOAG CITY – Naiyimplimentar ti forced evacuation kadagiti 21 a pamilya nga agnanaed iti low-lying barangays iti ili ti Badoc gapu iti peekto ti bagyo Florita.
Daytoy ti inpakaammo ni PMaj. Joseph Tayaban, ti hepe ti PNP iti nasao nga ili.
Segun ken ni Tayaban, ti forced evacuation ket naipatungpal babaen iti pammilin ti mayor Maximo Cajigal tapno masigurado a natalged ti sitwasyon dagiti residente bayat ti iduduprak ti bagyo Florida.
Mainaig iti daytoy, kuna ni Tayaban a kageddan ti pannakaibakwit dagiti residente ket dagus a naipaayn dagitoy ti relief goods ken tulong pinansyal babaen met laeng iti lokal a gobierno.
Innayun ni Tayaban a dagiti bakwit ket nagtalinaed iti evacuation centers iti Gabu Sur ken iti Badoc Auditorium.
Kabayatanna, inpakaammo ti hepe a madalyasatan pay laeng amin a kalsada iti nasao nga ili.
