LAOAG CITY – Inpakaammo ni bise mayor Telan Bullil-lit iti ili ti Carasi a saan pay a nasebseban ti forest fire iti Mt. Pakawit.
Segun ken ni Bullil-lit, nangrugi ti uram idi rabii ti biernes ngem saan a dagus a narespondean gapu iti kaadayo ti pagapgappoan ti uram.
Kuna na a kapada ti napasamak idi kalman ngem iti Mr. Lammin ti nakamonitoran ti uram.
Inbunannag na nga agingga itay bigat ket nagtalinaed nga adda ti uram iti bantay ken nakadanon iti Mt. Bimmaba, Mt. Callao agingga iti siksik-diri.
Inpakaammo na nga iti agdama ket addan nasurok 30 nga ektarya ti nauram iti kabanbantayan nu sadino a kaaduan a nadadael a kayo ket pine trees.
Kabayatanna, immunan a dinakamat ni Bulli-lit a kalikagu da a masebseban ti apoy iti kabanbantayan.
Nu pay kasta, marigatan dagiti agresponde nga otoridad nangruna ti helicopter gapu ta napigsa ti angin.
