LAOAG CITY – Umaboten iti 45 nga ektarya ti naapektaran iti sabali manen nga insidente ti forest fire iti ili ti Solsona.
Basar iti Bureau of Fire protection iti nasao nga ili, kangrunaan a naapektaran ti kabanbantayan a sakop ti Brgy. Catangraran agingga iti Brgy. Sta. Ana.
Nu pay kasta, immunan a nasebseban ti uram iti Brgy. Catangraran ken agtultuloy pay laeng ti panagwaras ti apoy iti Brgy. Sta. Ana.
Mainaig iti daytoy, ipakaammo ti BFP-Solsona nga agus usar da iti sanga ti kayo para iti pannakaidep ti apoy kangrunaan kadagiti saanen a madanon ti hose ti fire truck.
Malaksid iti BFP-Solsona ket katulungan pay iti panagrepsonde dagiti kameng BFP-Dingras ken BFP- Marcos.
Kabayatanna, manamnama mausar iti panagresponde ita nga aldaw ti helicopter ti Philippine Airfore para iti hellibucket nu sadinno nga iti ili ti Piddig ti pakatawingan ti danom.
Maipalagip a nangrugi ti uram idi Marso 16 iti agarup 1:25 ti malem ken saan pay a masinunuo dagiti otoridad ti namunganayan daytoy.
