LAOAG CITY – Inpakaammu ti Former Filipino beauty queen-turned-model a ni Janine Tugonon iti publiko a masikog isuna iti umuna a baby na.
Daytoy ket kalpasan nga inbinglay na online ti maysa a ladawan ti baby bump na.
Segun ken ni Janine, rugiananan ti agplano para iti masakbayan ti agbalin nga anakna.
Inpadanon met dagiti pada na a beauty queen ti kablaaw da iti first time mom.
Sumagmamano kadagiti nangkablaaw ket da Pia Wurtzbach, Ariela Arida, Shamcey Supsup, Rabiya Mateo, Emma Tiglao, Gazini Ganados, Sharina Gutierrez, ken dadduma pay
Iti agdama ket adda ni Janine ditoy Pilipinas ngem agsubli met laeng idiay Estados Unidos iti mabiit.
Maipalagip a ni Janine ket isuna ti nangirepresentar iti Pilipinas idi 2012 Miss Universe pageant idiay Las Vegas, Nevada ken agdama a Modelo idiay Estados Unidos.
