LAOAG CITY – Nagsagaba ti gasgas ti driver ken pahinante ti isuzu forward truck kalpasan a nagsikig iti paset ti viewdeck iti ili ti Bangui.
Segun kenni Police Captain Irineo Sibucao, ti chief of police ti Philippine National Police (PNP) ti Bangui, ti truck ket nagkarga kadagiti motorsiklo.
Inbatad na nga iti inisyal nga imbestigasyon da ket rumrumuar a napaspas ti panagpataray daytoy nga agpamyanan.
Kunana nga idi nakadanon da iti kurbaan a paset ti kalsada ket ditoyen a nagsikig ti truck rason ti panagsagaba ti gasgas dagiti nakalugan.
