LAOAG CITY – Nagpalagip manen ni Fr. Joey Ranjo, pannakangiwat ti Diocese of Laoag iti publiko a saan kuma a maaramid a nakabutbuteng dagiti costume para iti pyesta dagiti minatay intono umay a bulan.
Segun kenni Ranjo, dagiti minatay ket saan a nakabutbuteng no diket dagitoy dagito pimmusay nga ipatpateg iti biag.
Inlawlawag na a saan kuma a maikkat iti panunot ti tunggal maysa a ti pyesta dagiti sasanto ken minatay ket pananglagip kadagiti ay-ayaten a pimmusay nga isu ti anag daytoy saan ketdi a dagiti nakabutbuteng a maskara wenno costumes.
Kabayatanna, binilin ni Police Lt. Col. Reynante Baltazar, ti Deputy Provincial Director for Administration iti INPPO dagiti amin a kameng ti pulisya ditoy probinsya.
Kunana a masapol nga agalerto dagiti amin a kameng ti PNP para iti pannakaipaay ti seguridad kadagiti tattao iti mapaspasangasangan a pyesta dagiti minatay.
