LAOAG CITY – Nagbaliw ti posisyon ti gobierno ti France ken naan-anay nga indeploy na ti nuclear-powered aircraft carrier a Charles De Gaulle agturong iti Eastern Mediterranean tapno depensaan ti pwersa da ken dagiti kaalyado a pagilian kontra iti serye ti panagatake ti Iran.
Inrakurak ni French President Emmanuel Macron ti direktiba kalpasan a natamaan ti Iranian drone strikes ti maysa nga hangar iti French naval base iti United Arab Emirates (UAE) ken maysa a British airbase idiay Cyprus.
Immunan a limmiklik ti France a direkta a makibiang iti isaysayangkat nga Operation Epic Fury ti Amerika ken Israel kontra iti Iran.
Nupay kasta, napilitan a nangipatulod ti pwersa da gapu iti direkta a pangta kadagiti assets da iti rehiyon.
