LAOAG CITY – Nagballaag ti France anti-fraud ken health agencies kotra iti pinullo a ribu a mabalin nga unsafe a condom a mailaklako iti internet ken kadagiti merkado publiko ken botika.
Impalagip dagiti ahensia ti agarup 260,000 a condom a nailako kadagiti botika ken merkado publiko kalpasan a naduktalan dagiti lab test ti dua a produkto a nangidatag iti risgo ti panagbettak wenno kaadda dagiti perforations.
Binalakadanda dagiti tattao a nagusar kadagiti condom nga agpa-screen para kadagiti sexually transmitted diseases ken agpaeksamen iti panagsikog no saan pay a naaddaan ti regla.
Nakasarak pay ti anti-fraud agency, a pagaammo kas DGCCRF, ken ti health agency, DGS, ti 30 a linia ti condom a nailista kadagiti online marketplaces nga awanan iti EU conformity seal wenno labeling ti France.
Kadagitoy, agarup 1,000 a kahon, a naglaon iti nasurok nga 40,000 a condom ti nailakodan.
