LAOAG CITY – Kinumpirmaran ni President Emmanuel Macron iti France a plano da ti agaramid ti baro, dakdakkel ken ad-adda a moderno nga aircraft carrier tapno adda ti kasukat ti Charles de Gaulle carrier ken papigsaen na ti maritime power ti nasao a pagilian.
Inrakurak daytoy ni Macron kabayatan ti panagbitla na iti sangwnan dagiti tropa da a nakabase iti French military base idiay Abu Dhabi a masarakan iti asideg ti Strait of Hormuz, ti kapatgan a chokepoint para iti pagayusamn ti global oil.
Ti programme ket mabigbig kas “Porte-Avions Nouvelle Génération” (PANG), ken mapatta-patta nga agbalor ti agarop 10.25 billion euros wenno $12 billion.
Inbatad ni Macron a ti baro nga aircraft ket possible nga agoperar intono 2038, no agretiro ti Charles de Gaulle aircraft.
Maibilang ti “Porte-Avions Nouvelle Génération” kas kadakkelan a warship a maaramid idiay Europe.
